රස්තියාදුකාර ආණ්ඩුවක් හා රස්තියාදුකාර නායකයෝ
[Sunday, January 13, 2013]
රස්තියාදුකාරයන්යැ යි සමාජය කියන්නේ අණක් ගුණක් නීතියක් නොතකන, කිසිවකු කියන දෙයක් නොඅසන, හොඳ නරක නොබලා තමන්ට ඕනෑ දෙයම කරන පාදඩ ගණයේ පුද්ගලයන්ටය.
මේ ආණ්ඩුවත් එහි නායකයනුත් අඩුවැඩි වශයෙන් ඒ සියලූ ලක්‍ෂණ උරුමකරගෙන ඇති බව නැවත වාරයක් පැහැදිලි විය. ඒ අගවිනිසුරුවරියට එරෙහි දෝෂාභියෝගය නොනවත්වා ඉදිරියට ගෙනයෑම නිසාය.
අගවිනිසුරුවරියට එරෙහිව මහින්ද රාජපක්‍ෂ ජනාධිපතිවරයාගේ ආණ්ඩුව විසින් ඉදිරිපත්කරන ලද දෝෂාභියෝග යෝජනාව වනාහි නීති විරෝධී, මුළුමනින්ම දේශපාලන වුවමනාවන්ගෙන් යුත් එකක් බවට සාධාරණය, යුක්තිය පිළිබඳ උකුණු මොළයක තරම් හැඟීමක් දැනීමක් තිබෙන සෑම කෙනෙක්ම එකහෙළා පිළිගත්තෝය. එහි අන්තර්ගතව තිබූ චෝදනා පදනම් විරහිත ඒවා විය. දෝෂාභියෝග විභාගය සඳහා පත්කරන ලද පාර්ලිමේන්තු විශේෂ කාරක සභාව මුළුමනින්ම ආණ්ඩුවට පක්‍ෂපාතී එකක් විය. උත්තරීතරයැ යි තමන්ම කියාගන්නා පාර්ලිමේන්තුවෙහි මේ විශේෂ කාරක සභාව විසින් පැවැත්වුණේ කැළෑ උසාවියකි. එහි නීතියක් නොවීය. පිළිගත් කාර්ය පටිපාටියක් නොවීය. චෝදනාවලට අදාළ සාක්‍ෂිකරුවන්ගේ ලැයිස්තුවක් නොවීය. ලේඛනවල ලැයිස්තුවක් නොවීය. චෝදනාවලට පිළිතුරු ලබාදීම සඳහා චූදිතයාට ප‍්‍රමාණවත් කාලයක් ලබාදුන්නේ නැත. ඔප්පුකිරීමේ භාරය ගැන ප‍්‍රමිතියක් නොවීය. නඩු විභාගයෙහි විවෘතභාවයක් නොවීය. චෝදනා විභාගයට මුහුණදීමට එහි ගිය රටේ විශිෂ්ට බුද්ධිමය සම්පතක් හා කාන්තාවකවූ අගවිනිසුරුවරියට මේ කැළෑ උසාවියේ විනිසකරුවන් ලෙස පෙනීසිටි ආණ්ඩු පක්‍ෂ නියෝජිතයන් සමහර දෙනකුගෙන් අසන්නට ලැබුණේ කාන්තාභාවයට නිගාදෙන අවලාදය. කාරක සභාව ඉදිරියට හොරෙන් සාක්‍ෂිකරුවන් කැඳවා කටඋත්තර සටහන් කරගත්තේ හරස් ප‍්‍රශ්න ඇසීමට චූදිතයාට අවස්ථාවක් නොලැබෙන පරිදිය. අවසානයේ ලංකා ඉතිහාසයේ පාර්ලිමේන්තු කාරක සභාවක් විසින් ලියන ලද ලජ්ජාසහගත ම හා ගර්හිත ම වාර්තාව එක් රැයක් තුළ ලියා පසුදා කතානායකවරයාට භාරදෙන ලද්දේය.
ආණ්ඩුව මේ සියල්ල කරන ලද්දේ රටේ ඉහළම ආගමික නායකයන්, නීති විශාරදයන්, බුද්ධිමතුන්, දේශපාලනඥයන්, සිවිල් සමාජ නායකයන් හා පුරවැසියන් මේ ක‍්‍රියාවලියේ ඇති අනීතිකභාවය හා අසාධාරණභාවය ගැන බරපතළ ලෙස විවේචන එල්ලකරද්දීය. එය ඉදිරියට ගෙන නොයන ලෙස ආණ්ඩුවේ නායකයාවූ ජනාධිපතිවරයාගෙන් ඉල්ලා සිටියදීය. ඒ සියලූ ඉල්ලීම් හා අදහස් කුණු කූඩයට දමන ලදි. ඒ අතර ආණ්ඩුවේ ගොබෙල්ස් පන්නයේ ප‍්‍රචාරක යාන්ත‍්‍රණය හරහා මේ රටේ මුළු අධිකරණ පද්ධතියත්, විනිශ්චයකාරවරුත් බරපතළ අවමානයට ලක්කරන ලදි.
ශ්‍රේෂ්ඨාධිකරණය ආණ්ඩුක‍්‍රම ව්‍යස්ථාව අර්ථ නිරූපණය කරමින් දෝෂාභියෝග ක‍්‍රියාවලියට නීත්‍යනුකූලභාවයක් නැතැ යි කීවේය. ඉන්පසු අභියාචනාධිකරණය දෝෂාභියෝගයට අදාළ පාර්ලිමේන්තු විශේෂ කමිටු වාර්තාව බලරහිත කළේය. රටේ ඉහළම අධිකරණ දෙක දුන් මේ තීන්දුද ආණ්ඩුව විසින් කනගාටුදායක ලෙස නොසලකා හරින ලද්දේය. මේ මුළු ක‍්‍රියාවලිය මගින්ම ආණ්ඩුවත් එහි නායකයනුත් පෙන්වා ඇත්තේ තමන්ගේ උද්දච්චභාවයත්, රස්තියාදුකාරභාවයත් මිස අන් කවරක්ද?
පාර්ලිමේන්තුවේ තිබෙන වැඩි බලය යොදා ආණ්ඩුව දෝෂාභියෝග ක‍්‍රියාවලිය තමන්ට අවශ්‍ය අන්තය කරා ගෙන යනු ඇත. තමන්ගේ දේශපාලන වුවමනාවන්ට අවනත කරගන්නට නොහැකිවූ අගවිනිසුරුවරිය ධුරයෙන් පහකොට තමන් කැමති අන්තේවාසිකයකු එම ධුරයට පත්කරගනු ඇත. සිය දේශපාලන ජයග‍්‍රහණය ගැන උදම් අනනු ඇත.
එහෙත්, මේ මොහොතේ රස්තියාදුකාර ආණ්ඩුවක් හා එහි නායකයන් විසින් යුක්තිය, සාධාරණය හා නීතිය අත්තනෝමතික ලෙස නොසලකා හරිමින් රටේ අධිකරණ ඉතිහාසයේ කිසිදා නොවූ විරූ කළු පැල්ලමක් ඇතිකරන ලද බවටත්, ඒ ක‍්‍රියාව හේතුවෙන් අනාගතයේ ලාංකික සමාජය මුහුණදෙන සියලූම අහිතකර ප‍්‍රතිඵලවලට ජනාධිපතිවරයාගේ සිට අද සිටින මේ සියලූ දේශපාලන නායකයන් වගකිව යුතු බවටත් අනාගත ලාංකිකයන්ගේ දැනගැනීම සඳහා අපි මෙහි ලියාතබමු.
මේ ආණ්ඩුවත් එහි නායකයනුත් අඩුවැඩි වශයෙන් ඒ සියලූ ලක්‍ෂණ උරුමකරගෙන ඇති බව නැවත වාරයක් පැහැදිලි විය. ඒ අගවිනිසුරුවරියට එරෙහි දෝෂාභියෝගය නොනවත්වා ඉදිරියට ගෙනයෑම නිසාය.
අගවිනිසුරුවරියට එරෙහිව මහින්ද රාජපක්‍ෂ ජනාධිපතිවරයාගේ ආණ්ඩුව විසින් ඉදිරිපත්කරන ලද දෝෂාභියෝග යෝජනාව වනාහි නීති විරෝධී, මුළුමනින්ම දේශපාලන වුවමනාවන්ගෙන් යුත් එකක් බවට සාධාරණය, යුක්තිය පිළිබඳ උකුණු මොළයක තරම් හැඟීමක් දැනීමක් තිබෙන සෑම කෙනෙක්ම එකහෙළා පිළිගත්තෝය. එහි අන්තර්ගතව තිබූ චෝදනා පදනම් විරහිත ඒවා විය. දෝෂාභියෝග විභාගය සඳහා පත්කරන ලද පාර්ලිමේන්තු විශේෂ කාරක සභාව මුළුමනින්ම ආණ්ඩුවට පක්‍ෂපාතී එකක් විය. උත්තරීතරයැ යි තමන්ම කියාගන්නා පාර්ලිමේන්තුවෙහි මේ විශේෂ කාරක සභාව විසින් පැවැත්වුණේ කැළෑ උසාවියකි. එහි නීතියක් නොවීය. පිළිගත් කාර්ය පටිපාටියක් නොවීය. චෝදනාවලට අදාළ සාක්‍ෂිකරුවන්ගේ ලැයිස්තුවක් නොවීය. ලේඛනවල ලැයිස්තුවක් නොවීය. චෝදනාවලට පිළිතුරු ලබාදීම සඳහා චූදිතයාට ප‍්‍රමාණවත් කාලයක් ලබාදුන්නේ නැත. ඔප්පුකිරීමේ භාරය ගැන ප‍්‍රමිතියක් නොවීය. නඩු විභාගයෙහි විවෘතභාවයක් නොවීය. චෝදනා විභාගයට මුහුණදීමට එහි ගිය රටේ විශිෂ්ට බුද්ධිමය සම්පතක් හා කාන්තාවකවූ අගවිනිසුරුවරියට මේ කැළෑ උසාවියේ විනිසකරුවන් ලෙස පෙනීසිටි ආණ්ඩු පක්‍ෂ නියෝජිතයන් සමහර දෙනකුගෙන් අසන්නට ලැබුණේ කාන්තාභාවයට නිගාදෙන අවලාදය. කාරක සභාව ඉදිරියට හොරෙන් සාක්‍ෂිකරුවන් කැඳවා කටඋත්තර සටහන් කරගත්තේ හරස් ප‍්‍රශ්න ඇසීමට චූදිතයාට අවස්ථාවක් නොලැබෙන පරිදිය. අවසානයේ ලංකා ඉතිහාසයේ පාර්ලිමේන්තු කාරක සභාවක් විසින් ලියන ලද ලජ්ජාසහගත ම හා ගර්හිත ම වාර්තාව එක් රැයක් තුළ ලියා පසුදා කතානායකවරයාට භාරදෙන ලද්දේය.
ආණ්ඩුව මේ සියල්ල කරන ලද්දේ රටේ ඉහළම ආගමික නායකයන්, නීති විශාරදයන්, බුද්ධිමතුන්, දේශපාලනඥයන්, සිවිල් සමාජ නායකයන් හා පුරවැසියන් මේ ක‍්‍රියාවලියේ ඇති අනීතිකභාවය හා අසාධාරණභාවය ගැන බරපතළ ලෙස විවේචන එල්ලකරද්දීය. එය ඉදිරියට ගෙන නොයන ලෙස ආණ්ඩුවේ නායකයාවූ ජනාධිපතිවරයාගෙන් ඉල්ලා සිටියදීය. ඒ සියලූ ඉල්ලීම් හා අදහස් කුණු කූඩයට දමන ලදි. ඒ අතර ආණ්ඩුවේ ගොබෙල්ස් පන්නයේ ප‍්‍රචාරක යාන්ත‍්‍රණය හරහා මේ රටේ මුළු අධිකරණ පද්ධතියත්, විනිශ්චයකාරවරුත් බරපතළ අවමානයට ලක්කරන ලදි.
ශ්‍රේෂ්ඨාධිකරණය ආණ්ඩුක‍්‍රම ව්‍යස්ථාව අර්ථ නිරූපණය කරමින් දෝෂාභියෝග ක‍්‍රියාවලියට නීත්‍යනුකූලභාවයක් නැතැ යි කීවේය. ඉන්පසු අභියාචනාධිකරණය දෝෂාභියෝගයට අදාළ පාර්ලිමේන්තු විශේෂ කමිටු වාර්තාව බලරහිත කළේය. රටේ ඉහළම අධිකරණ දෙක දුන් මේ තීන්දුද ආණ්ඩුව විසින් කනගාටුදායක ලෙස නොසලකා හරින ලද්දේය. මේ මුළු ක‍්‍රියාවලිය මගින්ම ආණ්ඩුවත් එහි නායකයනුත් පෙන්වා ඇත්තේ තමන්ගේ උද්දච්චභාවයත්, රස්තියාදුකාරභාවයත් මිස අන් කවරක්ද?
පාර්ලිමේන්තුවේ තිබෙන වැඩි බලය යොදා ආණ්ඩුව දෝෂාභියෝග ක‍්‍රියාවලිය තමන්ට අවශ්‍ය අන්තය කරා ගෙන යනු ඇත. තමන්ගේ දේශපාලන වුවමනාවන්ට අවනත කරගන්නට නොහැකිවූ අගවිනිසුරුවරිය ධුරයෙන් පහකොට තමන් කැමති අන්තේවාසිකයකු එම ධුරයට පත්කරගනු ඇත. සිය දේශපාලන ජයග‍්‍රහණය ගැන උදම් අනනු ඇත.
එහෙත්, මේ මොහොතේ රස්තියාදුකාර ආණ්ඩුවක් හා එහි නායකයන් විසින් යුක්තිය, සාධාරණය හා නීතිය අත්තනෝමතික ලෙස නොසලකා හරිමින් රටේ අධිකරණ ඉතිහාසයේ කිසිදා නොවූ විරූ කළු පැල්ලමක් ඇතිකරන ලද බවටත්, ඒ ක‍්‍රියාව හේතුවෙන් අනාගතයේ ලාංකික සමාජය මුහුණදෙන සියලූම අහිතකර ප‍්‍රතිඵලවලට ජනාධිපතිවරයාගේ සිට අද සිටින මේ සියලූ දේශපාලන නායකයන් වගකිව යුතු බවටත් අනාගත ලාංකිකයන්ගේ දැනගැනීම සඳහා අපි මෙහි ලියාතබමු.
No comments:
Post a Comment