ඔබ චොකලට් වැඩිපුර කනවද ? එහෙමනම් ඔබේ බුද්ධි මට්ටම වඩා ඉහල විය හැකියි .වෛද්‍ය ෆ්රාන්ස් මෙසර්ලි සිදුකල අධ්‍යයනයක් වාර්තා කරන එංගලන්ත වෛද්‍ය සඟරාවක් පවසන්නේ වැඩිපුර
චොකලට් කන මිනිසුන් සිටින රටවලින් වැඩියෙන් නොබෙල් සම්මානලාභීන් බිහිවී ඇති බවයි .
දැනට ඇමෙරිකාවේ නිව්යෝර්ක් හි කොලොම්බියා විශ්ව විද්‍යාලයේ සේවය කරන ,ස්විස් ජාතික වෛද්‍ය මෙසර්ලි
පවසන්නේ ,මම හෝටල් කාමරයේ වැඩක් නැතිව සිටින වෙලාවක ,රටවල් කිහිපයක චොකලට් පරිභෝජනයත්
එම රටවලින් බිහිවී ඇති නොබෙල් සම්මාන ලාභීන් ගන්නත් ප්‍රස්තාරයක සටහන් කළා .මට ඇස් අදහන්නත් බැරිවුණා
මේ දෙය දැක්කහම .
රටක චොකලට් පරිභෝජනය හා එම රටින් බිහිවුන නොබෙල් ත්‍යාග ලාභීන් ගණන අතර විස්මිත හා ප්‍රබල විද්‍යාත්මක
සම්බන්ධතාවක් ඇති බව මෙසර්ලි ගේ මෙම අධ්‍යනයෙන් හෙළි කරයි .
චොකලට් වල බහුලව අඩංගු වී ඇත .ෆ්ලෙවොනයිඩ් මගින් අපගේ චින්තන ශක්තිය වැඩිකරනු ලබන බව සිතන්නේ
යයි මෙම අධ්‍යනය සඳහන් කරයි .
ෆ්ලෙවොනයිඩ් නිසා මොලයට සපයනු ලබන රුධිර ප්‍රමාණය වැඩි වීමෙන් ,සිතීමේ ශක්තිය වැඩිවීමත් ,මානසික ව්‍යාකුල
බව අඩු කිරීමත් සිදුවන බව අදහස් කල හැකි යැයි වාර්තාව පෙන්වා දෙයි .
චොකලට් පරිභෝජනය මගින් බුද්ධිමය ක්‍රියාකාරිත්වය වැඩි දියුණු කරන බව වාර්තාගත වී ඇති අතර ,භාවිතා කරන
ප්‍රමාණය මත එමගින් බුද්ධිමතුන් බිහිවීමට හැකි විපුල සරු බිමක් සකසන බවක් පෙන්නුම් කරන්නේ යැයි මෙසර්ලි පවසයි .
තද දුඹුරු පැහැති චොකලට් අනුභව කිරීම වඩාත් ප්‍රතිඵල දායක බවත් පෙන්වාදෙනු ලබයි .
No comments:
Post a Comment