කාගේ හෝ නිවසක මුල්ලක් කුලියට ගත් පමණින් එකී නිවස තමන්ගේ වන්නේ නැහැ- මංගල සමරවීර
By RSL - Thu Nov 29, 7:16 pm
- 0 Comments
- 300 views
Email
Print
- ALSO WROTE
- හිටපු අගමැති බණ්ඩාරනායක 113 වැනි ජන්ම දින සැමරුම අදයි
- එජාප නායකත්ව සටන සම්මුතියෙන් විසඳීමේ සැලැස්මක්?
- අධ්‍යාපනය ගැන විශ්වාසය බිඳ වැටිලා – රනිල් වික්‍රමසිංහ
- ඉතා දරුණු අපරාධකාරයෙන් වන කේ.පී.ට චෝදනා නැගූ ආණ්ඩුවම අද නැහැ කියනවා – විජිත හේරත්
- යූ.ඞී.සී. සම්මාන උළෙලේ දී ”සෙල්වම්” චිත‍්‍රපටයට සම්මාන
කාගේ හෝ නිවසක මුල්ලක් කුලියට ගත් පමණින් එකී නිවස තමන්ගේ යයි උදම් ඇනිය නොහැකි බවත්, ආණ්ඩු මේ මොහොතේ ජනතාව ගොනාට ඇන්දවීම සඳහා බොරු කියන බවත් එක්සත් ජාතික පක්ෂ පාර්ලිමේන්තු මන්ත්‍රී මංගල සමරවීර මහතා අද (29)කොළඹ පැවති මාධ්‍ය හමුවකට එක් වෙමින් පැවසීය.
ශ්‍රී ලංකාව විසින් ගුවන්ගත කළ බව කියන සැටලයිට් චන්ද්‍රිකාව වෙනුවෙන් වියදම් කරනු ලැබුවේ මහා රාජා‍ගේ මුදල්ද කොටි මුදල්ද යන්න දැන ගැනීමට අයිතියක් ජනතාවට ඇති බවත්, එය ශ්‍රී ලංකාව විසින් ගුවන්ගත කරනු ලැබූ පළමු අභ්‍යවකාශ චන්ද්‍රිකාව ලෙස රට තුළ මහත් ප්‍රසිද්ධියක් ලබාදුන්නද චීන මාධ්‍ය විසින් දිගින් දිගටම අනාවරණය කරනු ලැබ ඇත්තේ එය චීනය විසින් ගුවන්ගත කල 18 වන චන්ද්‍රිකාව වගයයි සමරවීර මහතා සඳහන් කළේය.
එක් චීන මාධ්‍යයක පමණක් එකී සැටලයිට් චන්ද්‍රිකාවේ තාක්ෂණයේ සුළු කොටසක් ශ්‍රී ලංකාවේ සමාගමක් විසින් මිලදී ගැනීමෙන් දායකත්වය ලබාදී ඇති බව වාර්තා කර තිබුණු බවත්, මුළු රටම ආර්ථික ගින්නකින් දැවෙමින් ජනතාව කුසගින්නේ තැවෙන විට රාජපක්ෂලා ජනතාවට තරු පෙන්නමින් සිටින බවත්, අහස පෙන්වා සැබෑ ප්‍රශ්නය යටපත් කරන්නට උත්සාහ දරන බවත් මන්ත්‍රීවරයා පෙන්වා දුන්නේය.
සමස්ත ජනයා කුසගින්න වෙනුවෙන් ආණ්ඩුවෙන් සහන ඉල්ලද්දී අධිවේගී රේස් කාර්වලට සහන දුන් බවත්, එය ප්‍රංශ විප්ලවයේදී ජනතාව පාන් ඉල්ලද්දී රැජින “පාන් නැත්නම් කේක් කාපල්ලා” යයි කීමට සමාන බවද සමරවීර මහතා අවධාරණය කළේය.
මීට පෙරාතුව සෝමාලියාව,ඉතියෝපියාව වැනි රටවලින් අසන්නට ලැබුණු දුක්ඛිත කතන්දර දැන් රට පුරා අසන්නට ලැබෙන බවත්, දරුවන්ට කෑම බීම සපයා දිය නොහැකි වූ අම්මලා තම දරුවන් මහ මග දමා යන්නටත්, පොලීසිවලට භාරදෙන්නටත් කටයුතු කරමින් සිටින බව මන්ත්‍රීවරයා වැඩිදුරටත් කියා සිටියේය.
No comments:
Post a Comment